3 أغسطس 2009

اتعلمت كتير ............!!!!!!!!


  • اتعلمت ان مش كل الناس علي نياتها .
  • اتعلمت ان اللي يسكت عن حقه ينداس .
  • اتعلمت ان السفر بيبين معادن الناس .
  • اتعلمت ان أغني إنسان في العالم هو اللي يملك الصحة ورواحه البال .
  • أتعلمت أقـــــول الحمدلله علي الصحة والعافية .
  • اتعلمت ان اللي عايز الناس تسمعه ، لازم يسمعهم الأول .
  • اتعلمت ان اللي مافيهوش خير في أهله ، مافيهوش خير في حد .
  • اتعلمت ان الحياه ممكن تنتهي في اى لحظه واحنا في غفله .
  • اتعلمت ان الخسارة في العمر لما يضيع من غير فايدة .
  • اتعلمت ان مهما تعمل خير للنذل ،يرده أصله ومايبان فيه .
  • اتعلمت ان الكلمة الحلوة والنفس البشوشة رأس مال الطيب .
  • اتعلمت أعمل الخير ، وما انتظرش مقابل عشان ما أتصدمش .
  • اتعلمت ان الواحد يشتري أكتر مايبيع ، يعنى يسمع أكتر مايتكلم .
  • اتعلمت أشوف وأسمع عن مصايب الناس ، وأقول الحمدلله علي كل حال .
  • اتعلمت ان اللي معدنه دهب بيفضل دهب ، وان اللي معدنه حديد بيتغير ويصدى .
  • اتعلمت كمان ان اللي يتفلسف ويقول ( أنــــــــا وأنـــــــــــــا )بيبقي فاضي من جواه .
  • اتعلمت ان ناس كتير عشان مصلحتها بيكونوا " ونعم الناس " ، ولما تخلص مصلحتهم ولايعرفوك .
  • وأخيراااااا: اتعلمت ان اللي اتعلمنااااااااه في المدرسة والجامعه شئ والوااااااااااااقع شئ تاني خااااااااااااااص .

هناك 28 تعليقًا:

على خطى الحبيب يقول...

السلام عليكم ورحمة الله,

"" شموسة ""
جميل ان الواحد مننا يقابل مواقف كتير فى حياته والأجمل من كدة انه يتعلم من المواقف دى شيىء ينفعه حقيقـى,

اما بخصوص الناس اللى على نياتها فانا عايز اقولك ان مفيش حد على نياته وزى م انتى متخيلاه فى الزمن اللى احنا فيه دة (الا من رحم ربى طبعاً).

أخيراً وليس أخراً, كل التوفيق ليكى يا شموسة فى حياتك الجاية, وان شاء الله اللى جاى يكون أفضــل بكتيـــــــر من اللى عدى.

تقبلــــى مرورى غاليتــــى,,,
دمتى بكل الحـــــب والخيـــــر,,,,,

Known as PHYSCO يقول...

كويس إنك اتعلمتى كده .. بس يارب تفتكرى الدرس دايما وما تتخدعيش فى الناس وتنسى كل اللى اتعلمتيه

rssamet_algera7 يقول...

اتعلمت ان الواحد يشتري أكتر مايبيع ، يعنى يسمع أكتر مايتكلم

تقريبا هاد شعاري في الحياة

شموسة
كثيرة هى الاشياء التى تعلمنا اياها الحياة.. فالحياة مدرسة بدوام لا ينتهــيّ

تحية لرقة احاسيسك..

romansy يقول...

الحمد لله اننا ممكن ناخد بالنا من حاجات بسيطه بتكون قدامنا الحمد لله اننا بنتعلم منها وبنتعلم من دنيتنا وبنتعلم من الناس
الو اقع شئ تانى خالص

ذو الوجه المبتسم يقول...

السلام عليكم

اتعلمت وعاوز اتعلم اكتر

البوست جميل بجد

تقبلى تحياتى

assafo anaroze يقول...

سيدتي
كل الكلام اللي قلتيه صح مئة بالمئة لكن تأكدي ان الناس فيهم الطالح و الصالح و انهم غير متساويين
و ان هناك اشخاص ناس من صنف الملايكة و ناس من صنف الشياطين
سيدتي تأكدي ان في ناس بتشكر المعروف مهما كان قليل و لو كلمة طيبة بتشكرها و في ناس لو قطعن حتة من كبدك و منحتهالهم مش حيشكروك ابدا
تقبلي مروري
و هذه دعوة لك للتواصل

أبو كريم يقول...

لافض فوك
كلامك صحيح إلى أبعد الحدود وكما قال الشاعر

المرء فى زمن الإقبال كالشجره
والناس حولها مادامت الثمره
فإذا ذهب عنها حملها إنفضوا
وتركوها تقاسى البرد والغبره

وقال أخر
رأيت الناس مالوا لمن عنده مال
ومن لم عنده مال فعنه الناس قد مالوا
رأيت الناس قد ذهبوا لمن يملك الذهب
ومن لم عنده ذهب فعنه الناس قد ذهبوا
رأيت الناس منفضه لمن عنده فضه
ومن لم عنده فضه فعنه الناس منفضه


يا سيدتى
أحمدى الله على ما تعلمتيه لان هناك من هم أكبر منك سنا ولا يعلمون وكما قال رسولنا الكريم ( علمت فألزم) ثبتك الله على الحق وتقبلى مرورى

موناليزا يقول...

وانا كمان استفدت من كلامك:) وبشكرك جداً على هذا الموضوع
وبدعوكِ لقراءة هذا الموضوع
ففيه كتبت عن ما تعلمته أيضاً
http://monaliza110.blogspot.com/2009/07/blog-post_29.html

شموسة يقول...

علي خطي الحبيب :

الجميل دايما إنى أشوفك هنا

دمت أنت بكل الود

شموسة يقول...

سايكو :

اللي بيتعلم ويعلم فيه الألم ، أكيد مش هينسي طول ماهو شايف أثر الألم

تحياتي ليك

شموسة يقول...

rssamet_algera7

اللي اتعلمناه مش كتير
لســــه يامــا هنتعلم

تحيه طيبه لوجودك بمدونتى
دمتى بكل الود

شموسة يقول...

romansy:

عندك حق
بنفضل نحلم....نحلم
ولما نصحي بنلاقي الواقع
شئ تانى خالص

تحيه عطرة لك

شموسة يقول...

ذو الوجه المبتسم :

جميل ان الواحد مننا مهما يتعلم ، يكون جواه حاسس إنه لسه محتاج يتعلم

تعليقك أسعدنى
تحياتي

شموسة يقول...

assafo anaroze :


لما الواحد بيقابل أسود كتير في حياته ، بيعتقد أن الأسود بس هو اللي موجود ، وإن مافيش أبيض غير في الأحلام .

لكن في الحقيقة زى مافي أسود في أبيض بس إحنا اللي مش بناخد بالنا كويس من الأبيض.

*** بالفعل لقد سعدت بهذا التواصل
أسعدنى مرورك

شموسة يقول...

أبو كريم :
جميله هي تلك الأشعار
والأجمل معناها

أحمد الله كثير علي ما تعلمته ، فكما تقول هناك الكثير من هم أكبر سنا ولم يتعلموا شئ من حياتهم

أسعدنى مروروك سيدى

شموسة يقول...

موناليزا:

أحمد الله علي أجر إستفادتك من كلمات كتبتها يدي .
وبالنسبه لموضوع قرائتى لموضوعك
المماثل، فقد قرأته وقد أعجبنى كثيرا

أشكرك موناليزا لوجودك

assafo anaroze يقول...

رمضان كريم وكل عام و انت بالف خير
و يا رب تكون معافاة البدن و القلب
ربنا يسعدك
مودتي

غير معرف يقول...

انا جاية اقولك
كل سنة وانتى طيبة ياحبيبتى
بوستك رائع وافادنى كثير
بس اهم حاجة تعلمتها
انى لااترك مدونتك المميزة ديه مرة تانية ونظل على تواصل ابنتى الحبيبة
تحياتى

شموسة يقول...

assafo anaroze :
الله أكرم

وكل سنه وأنت طيب

شموسة يقول...

أم مالك:
وأنتى طيبه يا أم مـالك
بجـد شرفـتينى ونـورتينى
بوجودك هنا في المدونة

وإن شاء الله يدوم التواصل

yasmina يقول...

السلام عليكم . بجد والله من غير مجاملة كلامك جميييييييييل اوى
واتعلمت منه حاجات كتير جدا
زى ما انت اتعلمتى بالظبط
واحلى حاجة فى الدنيا ان احنا نتعلم من كل موقف نمر بيه حقيقى دى اهم حاجة
وبجد بشكرك انك اديتينى الفرصة الجميلة دى ان اقرا كلامك الجميل دة
ورمضان كريم

شموسة يقول...

رمضان كريم:

الأجمل من كلامي هو وجودك هنا معايا

نورتينى بجد

assafo anaroze يقول...

جيت اطمن عليك
يا رب تكوني بالف خير
مودتي

شاب مفقوع يقول...

انا بقى اتعلمت ان اللي اتعلمناه في المدرسة والجامعه عبارة عن رد جزء من الاموال التي تأخذها الحكومة في صورة كتب نقدر نبيعها لبتاع الطعمية

تحياتي

أحمد عاطف يقول...

شموسة

منورة عالم التدوين وعالم التعليم كمان

اختفيتي فترة فيارب يكون خير

بالنسبة للتعليم

افضل تعليم قول الحمد لله

ربنا يحفظك وتكوني من الحامدين الشاكرين دوما

MaNoO يقول...

اتعملت ان الحياة فرصة
اتعلمت انى مقولش كان وكان
اتعلمت ان لا املك الا الحاضر فلا استطيع تغيير الماضى ولا معرفة غيب المستقبل
اتعلمت اتكلم بالخير وافكر فى الخير واعمل الخير مهما كان رد الناس
اتعلمت ان لازم ابقى مؤثر فى الحياة
اتعلمت انى لازم الناس اللى تتكلم عنى لانه فعلا بفيدهم انم انا متكلمش عن نفسى

تقبلى تحياتى واحترامى بوست اكثر من رائع وفعلا ياما هنتعلم ودا الصح اننا نستفيد من اى حاجة فى الدنيا ومن كل لحظة فى حياتنا فى اى مكان تقبلى اضافتىا لبسيطة واتمنى التواصل
تحيااااااااااتى

مروه زهران يقول...

الحمدلله

Unknown يقول...



thx

كشف تسربات المياة
غسيل خزانات
شركة نظافة عامة