15 فبراير، 2008

ماهي فلسفتك بالحياة.....؟؟؟

لكل منا طريقاً يمضي به حاملاً معه مبادئ وقيم يتصرف بموجبها ..ومن جمله هذه المبتدئ ..تتجلي أفكارنا ومعتقداتنا ..وبالتالي فلسفتنا.




  • فهل لديك فلسفه بالحياة ؟؟؟

  • هل تعـمل علـي تحقيقـها ؟؟؟

  • أم إنك لم تفكر يوماً بهذا؟؟؟

  • أو لم يشغلك موضوع وضع فلسفه حياتك؟؟؟

ربمــا تكون فلسفه بسيطة ..ولكن أن تكون لنا فلسفه عن ذاتنا ولحياتنا ... هذا يثبت مدي تمسكنا بوجودنا .


***بالنسبه لي:


نعم عندى فلسفه في الحياة ...أعشقها ...ولا أعتقد إنه يوجد شخص علي الأرض لا يحمل فلسفه في رأسه يعيش علي أساسها ..لكنى أعتقد ..لا بل أؤكد أن أغلب الناس لا يدرون بفلسفتهم .


فالفلسفه الحياتية ليس بالضرورة أن تكون دائما صحيحة ..لكنها تبقي فلسفه بآى حال .


**وبالطبع أعمل علي تحقيقها وإلا لا حاجة لوجودها والتفكير فيها.


**فلسفتي هي: أن أعيش حياة طبيعية ..أرفض كل مارفضه إنسان العصر الحجري ..وأبحث عن كل ما بحث عنه وماأحتاجة من مقومات حياة الإنسان الطبيعية ..وأكرر "الطبيعية"...


وفي الوقت نفسه أبحث عن كل ما تبحث عنه أمريكا وغيرها من الدول المتحضرة من مقومات الحياة الحضارية ..


**وأعشق المنطق والقوانين الفيزيائية وأستخدمها كثيراً في حياتي.."وكل شئ لا يساهم في سعادتي أحاول التخلي عنه".


** لا أفكر في الماضي ولكن أخطط للمستقبل دون التفكير فيه.


وأخيرااااااااااااً :.


أؤمن أنه يوجد رب في السمااااء يحبنى ...بل يحبنا جميعاً...


14 فبراير، 2008

الإعجاب والإنطباع الأول .!!!!!!!.........

الإعجاب عبارة عن مفتاح آى علاقة سواء علاقة زمالة أو صداقة أو حب...

عشان كده ساعات في أول الإعجاب مش بنكون قادرين نحدد نوع العلاقة دى هتبقي إيه؟

ومش شرط أن أول شئ يلفت النظر هو المظهر الخارجي للشخص اللى الواحد ممكن يعجب بيه مع أن المظهر شئ مهم وبيعطي أول إنطباع عننا للأشخاص اللى حوالينا ...........وساعات كتير بنحكم علي حد من الإنطباع الاول وكتير بردة بنكتشف إننا كنا غلطانين ....ومش دايما بيكون الإنطباع الأول كل حاجة بدليل ..."إنك ممكن تلاقي شخص أنيق جداً في مظهره وبيلبس أحدث وأغلي الموضات لكن تحس بنفور غريب ناحيته بمجرد ما تبدأ تتكلم معاه وتحس إنك مش طايق حتى تعرفه "...

عشان كده غلط إن حد يحكم علي حد من الإنطباع الأول علي الرغم من ان الأنطباع الأول مهم جداااً ....إلا أنه مش في كل الحالات بيبقي صح .....لانه بيعتمد عامة علي شكل الإنسان وأول كلمة قالها وبالتالي دول بيختلفوا من شخصية للتانية وهكذاا...

ومن رأيي إن الإنسان لما بيتشد لشخص معين ده لأن أرواحهم قريبة لبعض وممكن يكون في بينهم حاجات مشتركة حتى من غير مايكونوا لسه اتعرفوا علي بعض ، يعنى بيبقي في نوع من الإرتياح والألفه بتشد كل واحد للتاني من غير ما يكون آى حد منهم قاصد أو متعمد ..،،، في مقوله بتقول :" الأرواح جنود مجنده من تعارف منها أئتلف ومن تنافر منها اختلف ".

وانامؤمنة بالمقولة دى لأنى فعلاً جربتها ،يعنى مثلا ... ممكن قوى تلاقي حد في مكان كويس ومفيش فيه آى عيب بس أنت مش طايقه ومش عارف ليه؟؟ مش مرتاح له وخلاص ..كده من غير سبب ومافيش عندك الرغبة إنك تتعرف عليه ..

بس كمان المفروض الإنسان ميحكمش علي اللي حواليه بإحساسه ....بس لازم كمان يدي نفسه الفرصة إنه يعرفهم أكتر عن قرب ويعرف طريقة تفكيرهم وشخصيتهم وبعدين يكون رأى نهائي عن الطرف الآخر ...يعنى عشان يبقي فيه توازن بين الإحساس والعقل والمنطق في الحكم علي الاشخاص اللي حوالينا .