كم مرة استسلمت فيها لموقف ما بسبب عدم كفايه صبرك؟؟؟
يمكن تكون متحمس وعندك طاقة كبيرة ومعلومات كثيرة وتضع أحلامك موضع التنفيذ وتلتزم بالنجاح ، ولكن إذا لم يكن لديك الصبر الكافي قالنتيجة هي هدم أحلامك .
** ومش معنى الصبر إنك تسكت وتتفرج علي أمل الوصول لأفضل النتائج ، فالصبرله قواعد وهي العمل بجد والإلتزام بيه ، وهنااا بس هيكون الصبر لمصلحتك فعليك بعمل كل مافي وسعك عشان تحقق أحلامك وفي نفس الوقت عليك بالإلتزام بالصبر ( فلا تيأس فعاده ما يكون آخر مفتاح في مجموعة المفاتيح هو المناسب لفتح الباب )...
فمهما حصل أصبر عشان تقدر تحقق حلمك ، وحاول دايماً تكون الشخص اللي بيقدر ينتهز الفرص من كل مشكلة تواجهه وبلاش تكون الشخص اللي بيخلق مشكلة من كل فرصة تقابله ، فهيا بنا معاً نحقق هذه الخطة لبلوغ الصبر ..
أولاً: اكتب تحدي من اللي بيواجهوك .
ثانياً : اكتب خمس طرق تستخدمها في التغلب علي التحدي ده .
ثالثاً : دور علي شخص ينال إحترامك وتثق فيه للوصول إلي حل لمواجهه هذا التحدي .
رابعاً : قيم كل الحلول الممكنة .
خامساً : اتصرف بالإلتزام وحماس واصبر فلربما كنت علي بعد خطوات قليلة من النجاح .
وتذكر دائماً :..
عش كل لحظة كأنها آخر لحظة في حياتك ، وعش بالإيمان والأمل والحب والكفاح وقدر قيمة الحياة .
